登記家庭醫生服務 GP (General Practitioner)
所需文件
- Passport
- 住址証明
- 身份證明
- 小朋友針卡
- 病歷資料 (如有)
- BRP (如有)
流程
- 在NHS網頁 https://www.nhs.uk/service-search/find-a-gp，輸入住所的post code，尋找附近的GP
- 2. 睇評語、服務時間和交通等等，上網登記或直接再前往該GP登記
- 3. 收到GP電話後，在指定時間帶同所需文件往診所登記
- 4. GP稍後會郵寄 NHS number
睇醫生要點
- 必須預約：電話預約、網上預約或現場預約。
- 一般需要等一至兩星期先可以睇到醫生，輪候時間則視乎病情嚴重性。
- 如果病人人數眾多，可能改為醫生電話診症。
登記牙醫
尋找牙醫：https://www.nhs.uk/service-search/find-a-dentist
在 NHS 網頁內尋找牙醫，你可以查閱居住地點附近有沒有心儀的牙醫診所，亦可以從中檢視其他人對有關牙科診所的評價，而當然最重要的是有關牙科診所會否提供「NHS 新症」。
即使 NHS 網頁會提供牙醫是否仍然有「NHS 新症」空缺提供，不過目前要搵到肯接收「NHS 新症」的牙醫是非常困難，而 NHS 網頁提供有關的資訊都唔太準確，大家可能要逐間打去問收唔收新症，如果大家到英後急需牙科服務，可能隨時要選擇更昂貴的私營市場。
NHS牙科嘅服務範圍及收費
https://www.nhs.uk/nhs-services/dentists/dental-costs/how-much-will-i-pay-for-nhs-dental-treatment/
- Band 1 療程：服務包括牙齒檢查、診斷（包括照 X 光）、提供如何預防牙齒問題嘅建議，以及預防性護理，例如使用氟化物清漆或裂縫封閉劑 (如果有需要嘅話)等。
- Band 2 療程：涵蓋 Band 1 所有內容，以及任何進一步治療，例如填充物、根管治療或拔牙等，但唔包括Band 3 涵蓋嘅更複雜項目。
- Band 3 療程：包括上面Band 1 和 2 嘅所有內容，以及牙冠、假牙、牙橋和其他實驗室工作等。
- Band 4 緊急牙科治療：包括初級保健 NHS 牙科診所的緊急護理，例如緩解疼痛或臨時補牙。雖然話係緊急服務，但通常都要等幾日先有得睇。
- 另外，大家要留意，洗牙係唔屬於以上任何一個 Band，所以大家要全額自費。
NHS 牙科診所轄免收費人士
https://www.nhs.uk/nhs-services/dentists/who-is-entitled-to-free-nhs-dental-treatment-in-england/
合資格人士係可喺英格蘭享受免費嘅NHS 牙科治療，例如18歲以下或19歲以下全日制教育，喺過去 12 個月內懷孕或生過孩子嘅人士，大家想知詳情可以去下面嘅Link:
登記驗眼
https://www.nhs.uk/service-search/find-an-optician
英文翻譯服務
預約時只要講明要求有翻譯人員，包括廣東話。另外，如果真係搵唔切翻譯，大家都可以善用Google Translate等即時翻譯，都可以幫到大家同醫生解決溝通問題。
小貼士
- 預約咗NHS服務後，唔好遲到或者唔出現。如果要取消預約，就可以喺24小時或之前取消
- 唔好濫用急症服務。
- 想醫生開藥或者強力啲嘅藥，就要同醫生講。
- 善用NHS網頁資料同埋配藥熱線。
專科
除左牙科、眼科同精神科外，其他專科都係免費診症，但就要預至少3個月至半年嘅排期時間喇。