香港同英國返工嘅文化存在唔少差異，例如：第1日返工第一件事唔係即刻做嘢，而係同唔同嘅同事傾計 (Small talk)。放完長假，或者每日早上都需要打下招呼，寒喧幾句先可以工作。
Follow working process: 英國人好着重工作流程protocol / working process，同香港注重效率嘅有分別，即使係重複嘅工作，都需要逐個工作完成，必須跟住既定嘅流程去做。英國公司覺得，工作流程設計得好，就會有好嘅output，當中已包括人為錯誤。唔建議自己走捷徑或者跳step，而係向上司建議改善process。
Work as a team: 唔好太有競爭嘅心態。每個部門都有至少一條 team，啲工作一般都係成個 team一齊去做。件事做出嚟嘅成果，係成個 team 去分擔，即使有人拖後腿，都唔可以將個責任推俾嗰個人。
上司下屬關係: 上同同下屬好多時都坐埋一齊，甚至連partition都冇。傾私人事嘅時候，個感覺都係好唔似上司下屬，比較close咁。不過，其實佢地嘅階級觀念係比較重。所以有時都要虛寒問暖，令佢覺得被尊重；工作方面，尊重上司嘅決定，盡力配合完成工作。要注意嘅係，雖然有時傾得好埋，但唔好忘記對方係上司可以冇大冇細。
批評同埋責罵: 佢地會批評工作上嘅方法，要慢慢接受。另外，職場上唔可以帶有脾氣，例如上司唔可以責罵下屬。佢地一般都幾包容，例如都好接受人為錯誤，所以唔使太過擔心出錯，只要唔好不斷重覆犯錯就可以。
請病假: 喺英國冇假紙，有病就直接告病假，但唔好濫用。一般嚟講有病就唔好返工，即使只係少少唔舒服，同事都希望你休息都好過傳染俾其他人。
吸煙人士: 要注意避免成日出去食煙，因為會引起其他人覺得唔公平，好似多咗休息時間。
手信: 希望大部份同事都鍾意的話，要注意唔好買啲特別嘅嘢，英國人嘅接受能力較低。一定要買食嘅手信，一係就要好甜嘅零食，一係就要咸嘅薯片，唔好太辣，佢地會好鍾意。如果買蛋糕或者嘢食返公司，必定要預足夠嘅份量，要人人有份永不落空。
英國冇散水餅: 英國係調返轉，係其他同事夾份送禮物俾離職同事，farewell佢。
送咭: 買定唔同種類嘅咭，放喺公司度。英國人好鍾意收到咭，逢係生日、聖誕、Farewell都需要用到。