申請國際車牌

嚟咗英國之後，前往歐洲大部份地區都唔需要申請國際車牌，如果要去日本、東南亞、美加就要申請國際車牌，呢度同大家講講。

條件係要英國居民、有英國車牌同埋18歲或以上。之後，大家要知道你即將前往嘅國家係邊類。可以睇返網頁：

你會見到IDP分有3種年份：1926、1949同埋1968。IDP上面顯示嘅資料有姓名、出生地點、有效日期、區住地址、架駕車種、駕駛時需唔需要配戴眼鏡等。

唔同國家用嘅年份都唔一樣，可以喺網頁度搵返要去嘅地點，再申請相應年份嘅IDP，例如日本係1949年IDP，會講埋要咩嘢文件，之後帶齊文件去郵局申請。

用呢個網址，輸入 Postcode 可以知道附近邊度可以整 IDP。

前往郵局辦理，俾咗錢同交齊文件，可以即時辦好，生效日期都可以自訂添。

出發前往旅遊地點時，除咗要帶國際車牌外，仲要帶埋英國車牌喺身，有咩事故都需要原居地車牌証明駕駛資格。仲要留意返出發時英國車牌必需係有效，如果停咗牌，國際車牌都會同時失效。

另外，如果打算揸車前往歐洲旅行，就要 check 吓車保有冇包埋EU。